王镇泉 Jeoffrey 每星期为你提供最热辣电影资讯，中外猛片专访花絮上映时间全部集齐。「电影泉攻略」每周四买定爆谷陪你睇新戏。
1989年一套关于综合格斗电影《Road House》最新重新翻拍，并由Jake Gyllenhaal饰演入面嘅综合格斗专家，喺早前释出嘅电影片所见，Jake今次个身形真系劲夸张，佢仲畀外国媒体形容为荷里活最强Body呀！Jake嘅健身教练爆料，话Jake拍完《波斯王子：超时空之战》之后就迷上健身，仲会将畀肌肉休息嘅时间都用埋嚟训练㖭呀！
讲起Jake，佢最近仲有另一新片上映，即刻同大家睇下新片速递！《译战同盟》讲述美国出兵阿富汗期间，军士长同当地传译员奉命去揾出塔利班炸弹工场，行动期间遭到埋伏，传译员冒死拯救军士长，之后因为塔利班想处死传译员，所以军士长重返战场营救呢位盟友。
家传户晓嘅童话故事《小鱼仙》拍成真人版电影，小美人鱼为咗深爱嘅王子面同海中邪恶女巫交易，令父王嘅王位级级可危。《不止不休》讲述有新闻理想嘅青年，报道乙肝歧视嘅故事邪陷入前途定真相嘅抉择。《妈打对决小布殊》改编自911后德国真实事件。土耳其裔嘅囝囝被误认系塔利班成员，喺未经起诉下被关押监狱受尽凌虐，妈打为营救儿子，同人权律师上诉到最高法院。《失衡凶间之罪与杀》以三个暗黑故事组成，解构执念成狂，引发暗黑人性嘅失衡
《狂野时速10》上映后话题不断，戏中大部份场口都系实景拍摄，而饰演奸角嘅Jason Momoa嘅表现更加系相当抢眼，令到呢出电影成为本周票房龙虎榜嘅第一位，而第二位就系《银河守护队3》、第三位系《关于我和鬼变成家人的那件事》。
