鲁振顺3年前重遇逾40年前冇见嘅女同学Julie，二人谱出黄昏恋，原本有意于2022年10月喺主题乐园举行婚礼准备造人生B，不过今日传出66岁鲁振顺已打消结婚念头！
鲁振顺与Julie受疫情影响，婚事一再延期，今日有报道指鲁振顺疑黄昏恋触礁，鲁振顺回应传媒时大方承认取消摆酒呢个念头，一来主题公园费用昂贵，唔想亲友舟车劳顿，二来佢呻Julie系控制狂，犹如阿妈般事事管，令单身多年嘅鲁振顺有啲招架不住。
鲁振顺以「老母」称呼Julie，斩钉截铁否认分手传闻，佢同Julie目前以「老伴」关系相处，鲁振顺原打算待新居入伙后展开同居生活，不过鲁振顺坦言Julie要求严谨，至今仍未收楼！
鲁振顺与比佢年轻6年嘅Julie，当年相遇后佢哋未拖手仔已认定对方，拍拖短短四个月即计划闪婚，鲁振顺更带女友去珠宝店准备嫁妆，鲁振顺当时透露Julie正努力用中药通经，而自己亦会去验精，为生B做足准备，目前忽然传出二人感情触礁，未知佢哋呢个计划有冇生变！？
