慈善筹款节目《万众同心公益金》6月3号晚圆满结束，多位嘉宾为慈善落力表演，好似 炎明熹 《中年好声音》嘅 周吉佩 李佳 龙婷 罗启豪 颜志恒 吴大强 等，加埋 陈美龄 谭嘉仪 曾比特 朱主爱 余宗遥 钟柔美 ，而近年甚少公开演出嘅 张德兰 呢日亦罕有登台为慈善出力，仲话非常留意《声梦》同《好声音》参赛者嘅演出呀。
呢日唔少参与歌手都把握机会同佢合照，当中梗系唔少得Gigi啦，而Gigi仲大爆平时极少同艺人合照嘅姑丈，呢日都公开要求集邮，Gigi仲笑返怕丑姑丈转头呀。
Yumi好快就会踏入中学最后一年，近日正埋首温习考试嘅佢，就话已经开始对来年嘅DSE感到紧张，仲话会好好安排时间准备，不过大家亦唔使担心，因为佢同Gigi都好快会有新歌推出喇。
早前往美国登台开骚嘅 许志安 呢日都系表演嘉宾之一，佢亦现场献唱新歌，受访时亦提到重访一厂见到现场观众令自己忆起当年，又指即将会喺新加坡开骚，亦正筹备香港嘅表演，不过估计就要出年先可以成事喇。
《中年好声音》嘅几位成员呢晚由过去嘅观众变成表演者，佢哋都觉得非常开心，仲话感觉非常有趣呀。罗启豪呢晚就再同妈咪同台演出，不过罗妈妈就话非常紧张喇。龙婷同李佳呢晚亦大展歌喉，不过去到后台就变成小Fans同各位前辈见面合照喇。
新时代歌手阿Mike亦都同朱主爱仲有余宗遥合作，仲爆不时狂Loop朱主爱嘅网络神曲咁话呀。
