Marz23开骚收23个Bra难处理 一场巡唱唔够喉赞港迷够癫

台湾歌手 Marz23 继日前举行完巡回演唱会香港站之后，呢日又紧接再喺香港举行签唱会，仲同Fans齐齐跳舞。而讲到同巡唱嘉宾 Tyson Yoshi嘅友谊，佢就话其实几年前已经相识，仲几乎同时间展开音乐之路，仲话如果对方邀请一定要回礼做嘉宾呀。

喺演唱会收Bra收到手软嘅佢，呢日就话收足23件之多，虽然话女友大方唔会嬲，不过佢亦都话唔知点处理呢堆贴身衣物先好喇。

佢呢日又大赞香港Fans唔止热情，仲可以疯狂嚟形容，仲话今次香港只开一场完全唔够喉呀。即将会升任人父嘅佢，呢日亦都提到心情慢慢紧张，会更有动力为下一代努力生活呀。