91岁刘兆铭（Ming Sir）近年深居简出，大前辈刘兆铭演技出色为大众认识及喜爱，喺圈中地位崇高，不过刘兆铭最近少咗公开露面，日前吴镇宇与儿子Feynman一齐探望刘兆铭，今日黄秋生喺IG上载合照，原来当日佢同刘青云都在场，众人一齐叙旧。
相中见刘兆铭精神奕奕、带微微笑容，其实黄秋生、青云、达明及镇宇于2017年亦有约Ming Sir见吓面，呢个绝对系钻石级阵容嘅好戏之人。
Ming Sir以往举行活动不时见青云、达明及镇宇前往撑场，呢日镇宇与Ming Sir合照时，以双手搭着Ming Sir嘅膊头，刘兆铭一脸慈祥，可见TVB艺训班出身嘅镇宇，多年来与Ming Sir嘅关系亦师亦友。
Ming Sir年轻时前往法国习舞，成为首位为法国舞蹈家编舞嘅华人，舞而优则演，演而优则导，Ming Sir于1979年被徐克相中，邀请拍电影《蝶变》，Ming Sir正式踏入幕前工作，后来80年代签名TVB，演出过多部剧，同时有演出电影包括喺《倩女幽魂》饰演树妖姥姥。Ming Sir获《舞蹈年奖》杰出成就奖，其后于《万千星辉颁奖典礼2013》获颁万千光辉演艺人大奖，Ming Sir喺2013年获港府颁发「荣誉勋章」，以表扬其对演艺文化界嘅贡戏。