《富贵门》苦恋吕良伟睇到肉都赤 郭可盈隐退凑女一家游日本

晚晚见到 郭可盈 喺《富贵门》扮演嘅Angie苦恋吕哥 卓一元嘅故事，加埋佢一直将心意化作文字写喺Blog，虽然对方有家室，不过就真系一往情深喇。现实中嘅可盈，当年宣传呢套经典剧集时就宣布同型男老公 林文龙 怀有爱情结晶品，之后仲开始专心照顾囡囡，甚少公开拍摄新作喇。

转眼间佢同文龙嘅囡囡「津津」 林天若已经13岁婷婷玉立，近日佢哋仲一家三口同游日本，除咗去热爆嘅teamlab艺术展参观之外，又一齐叹雪糕消暑，见到津津眼甘甘望实妈咪手中杯雪糕就觉得搞笑又温馨喇。