Windy学校表现古典乐曲 与同学合演莫扎特展扎实功架

参加《声梦传奇》再成为After Class小花其中一位成员嘅 Windy 詹天文 自细就已经开习声乐，中学亦入读专注音乐发展嘅学校，难怪佢表现咁优异喇。早于5岁就开始学习正统声乐嘅Windy，其实8岁已经同后来嘅队友Yumi一齐喺比赛较劲，当时赛果一样系叮当马头，佢同Yumi分别得到比赛嘅季军同亚军。

近日有社交平台就将Windy喺学校嘅表演公开，Windy同一班同学仔合作演奏莫扎特歌剧《魔笛》当中嘅名曲《夜后》，一班同学分别演奏同指挥，而Windy则负责演唱，仲获大批网友大赞呢班同学仔表现杰出，前途无限呀。