拥有住不老容颜嘅玉女掌门人 Vivian周慧敏，已经好耐冇喺香港出席公开活动，呢日佢以一身仙气打扮现身代言广告嘅首播记者会。
一头招牌黑发系Vivian嘅标志，虽然睇落佢把头发依旧浓密，但系Vivian话由于自己曾经中招，所以出现脱发问题，仲话最严重时头发比年青时少咗三分一。
讲起最近忙住筹备二手衫义卖，Vivian话已经去到第5轮义卖，亦系自己断舍离计划之一，佢分享返当日谂到要做呢个义卖嘅原因，竟然系同老公倪震有关，Vivian仲话因为老公当时中招唔喺自己身边，所以佢先可以做到一样倪震知道后一定唔会畀佢做嘅事呀！
之前Vivian喺社交平台分享咗有一对自来鹦鹉飞咗去佢屋企，讲起呢对鹦鹉，Vivian本身谂住同大家分享佢同老公倪震做嘅一知小实测，嚟验证鹦鹉系咪会闻歌起舞，点知Vivian一提到同倪震嘅行动时，即唔觉意咁露出个幸福甜笑，真系闪盲一众在场记者呀！
