曾比特呢日同涂毓麟、JNYBeatz、林君莲、潘静文及林智乐等，为一个慈善餐舞会担任表演嘉宾。
已经好耐冇出新歌嘅Mike，知道歌迷们期待已久，所以佢就预告嚟紧 8 月会为新歌录音，希望新作可以喺 9 月推出呀！Mike指已经向同场嘅JNYBeatz求歌，希望对方可以尽快写一首快歌畀佢跳舞呀！
正忙拍新节目《香港重案》嘅Oscar，大赞节目系高度还原每单真系案件，加上同剧前辈都对佢照顾有加，所以Oscar话拍得好开心喇。
同场仲有马德钟夫妇、林钰洧同邢慧敏等，啱啱拍完剧集《非常检控观》嘅马神，透露嚟紧就要北上工作，但再次投入工后前，马神就话要留喺屋企好好抖下先。至于林钰洧同邢慧敏就话除咗拍综艺外，两位都好想挑战演戏，而最想合作嘅演员佢哋都异口同声话系林盛斌呀！
