黄秋生、游学修同导演陈淑仪呢日为舞台剧彩排，呢套舞台剧早喺11年前秋生就已经同梁祖尧演过，对于多年后再重演呢套剧，秋生就话因为今次系将呢个剧重新翻译一次，令个剧多咗好多层。
对于同游学修合作，秋生就话相当有新鲜感，加上同后生仔合作，令佢觉得好有活力。阿修就话得到大师兄嘅赞赏觉得相当开心，加上可以寓工作于学习，佢会好好珍惜机会。
访问中阿修发挥鬼马性格，佢话唔少传媒都会问佢面对秋生呢位前辈惊唔惊，所以佢决定反过嚟问秋生对住自己会唔会惊，令到秋生一时语窒，之后秋生先话自己最惊小朋友扭计，但好在阿修冇呢方面问题呀！
