之前一直有传黎明将会举行演唱会，但系就未有实质消息。黎明15号喺社交平台上载咗一张兔仔听住walkman嘅相，仲留言话：「佢究竟听紧乜？」当时大家仲以为黎明系为大家送上中秋祝福，但原来黎明𠮶阵已经影好咗演唱会海报。
黎明今日就释出演唱会海报，同时宣布将会喺11月举行10场红馆演唱会。海报上，西装骨骨嘅黎明，手抱住七彩听住walkman嘅兔仔，而walkman嘅卡式带上，亦印住黎明嘅经典作品，呢个海报上嘅小小密码，令大家猜测今次黎明嘅个唱将会为歌迷带嚟不少经典金曲呀！
黎明宣布11月举行10场演唱会 海报细节令人猜测个唱风格
