郭富城宣布巡唱内地演出启动 感谢张叔平为佢打造梦幻造型

郭富城嘅世界巡回演唱会内地演出之路即将启动，首站将会登陆深圳举行，呢日城城就同一众制作团队出席发布会造势，兼宣布50个巡回嘅城市，城城话自己嘅心态系想走遍所有中国大大小小嘅城市。

城城指对上一次演唱会已经系好耐之前嘅事，而今次佢希望可以打破以前演出嘅场数同地方，呢个系自己同团队嘅目标呀。发布会上播出城城过往演唱会嘅片段，佢谦虚表示自己可以喺舞台上发光发亮，就要特别多谢张叔平呢位伯乐，因为对方唔只令佢喺演艺事业上有一个好大嘅转捩点，每次张叔平帮佢打造嘅造型同服装，都会令佢喺舞台上变成另外一个人，感觉相当梦幻。