吕良伟兄弟现身慈善晚宴 将与华仔霆锋开拍全新电影

吕良伟 呢日同早前参加《中年好声音2》选拔嘅细佬 吕良国 一齐现身一个慈善晚宴，「丁力」吕哥仲开金口献唱《上海滩》，更捐出6位数予香港癌症基金作慈善之用。吕哥仲话自己身为《上海滩》演员，主题曲更加早已风行海外，更有唔同语言版本，自己亦受益唔少，所以呢晚就选唱呢首对自己咁有意义嘅歌喇。

吕哥又提到好快就会同 刘德华 谢霆锋 许冠文 同 方平 合作全新动作电影，仲话有唔少动作场面要应付呀。而同 甄子丹 一家一向关系非常紧密嘅吕哥，对世侄女 甄济如 正式出道成歌手，就大赞Jasmine非常乖女，亦忘我醉心表演，仲话下次演出全家都一定会出席支持呀。