香港羽毛球公开赛上周末举行，世界各地好手都来港争夺锦标，而即将喺11月展开新一次个人演唱会；同时非常热爱羽毛球嘅 马浚伟 ，日前亦为 2023全港聋人羽毛球锦标赛担任颁奖嘉宾，希望为各运动员打气。
马仔呢日除咗颁奖之外，亦忍唔住亲民落场同参赛运动员现场切磋，马仔就话非常支持残疾人士参与唔同运动项目，所以当 香港聋人体育总会 一提出邀请，自己就即刻答应，希望平时推动艺术之余，更希望社会更加关注同支持残疾运动员，亦希望政府增拨资源俾所有残疾运动员，去支援同发展运动。
马仔话：「残疾人士拥有嘅权益同我地健听、健视系平等嘅，，我同听障运动员打过羽毛球，佢哋打波都唔会用助听器，但打起嚟好专业，有几位仲好高水平。我在电台节目又访问过视障跑手，佢哋唔止跑得快，仲为慈善跑南、北极，所以佢哋同我哋一样平等，甚至比我们做得更好。」
讲到11月嘅演唱会，马仔就透露门销情非常理想，仲笑言如果成功加场就揾到个饭盒食吓咁话。