李栋旭呻拍两周独脚戏感孤独 林秀晶以卖萌pose吸引另一半

两大冻龄男、女神李栋旭同林秀晶首次合作拍摄电影,呢日佢哋同导演及众演员出席电影发布会造势。

呢个养眼组合早喺2019年已经合体过,但当时佢哋因为拍剧而只有一面之缘,讲返起当年合作,李栋旭都仲记忆犹新,话自己当时做咗秀晶两分钟嘅男朋友,导演睇完都好钟意,仲希望佢话可以再合作,亦因为咁而有今次嘅演出。秀晶就话当时见到李栋旭时,觉得佢成个人都发紧光,加上对方嘅演技好好,令佢非常难忘。

提到今次嘅电影拍摄,李栋旭话其中两个星期得佢一个进行单独拍摄,加上当时天气非常寒冷,令佢身心都觉得相当孤独,只好成日黐住导演,亦因为呢段时间令佢同导演变得熟洛。

新戏关于都市爱情故事,几位演员都有分享吸引另一半嘅方法,秀晶仲大方摆出多个卖萌pose,而李栋旭就会准备几个有趣笑话同对方分享呀。