2012年改编网络小说拍摄嘅喜剧电影《一路向西》票房大收3200万，事隔12年后，《向西》续集《一路向西2东京AV攻略》宣布明年会于日本同香港两地开始拍摄。原班人马 张建声 将再任男主角，而女角更包括5大港人熟悉女优 三上悠亚 波多野结衣 相泽南 村上悠华 同 香港AV代表 绘丽奈 。
电影将以日本为主要取景地，5位女优会联同大批AV新力军以主场之姿出现。据指绘丽奈日前已动笔签约，又同监制孙立基会面，今次演出更系佢出演AV后首部港产片作品，绘丽奈话：「听讲戏份都重，好紧张！希望到时能好好表现，发挥得最好，因为有时就算准备得几多几好，临场都系要讲一点运气。」佢仲指戏中自己尺度「就系祼露」：「同其他女优一样，但我相信感觉同平时拍AV一定有所不同，因为拍摄团队系香港团队，应该会有少少尴尬，但拍摄日子都唔少，会尽快适应。」
今次新片集合几位人气日本AV女优，而绘丽奈就称想同一众同行见面喇：「全部我都想见呀，因为好多都系出道咗好多年嘅女优，真系唔容易，想同佢哋讲声『辛苦晒』。有一个就我同佢一样系新人，我都有留意佢(村上悠华)。」
今次电影公司喺市道非常一般下，仍不计成本以逾2千万港币投资开拍新片，佢哋认为同市场缺乏「真正敢想敢拍又好玩嘅电影题材」有关，所以决定集结史上创纪录数量嘅港日AV女优，组成「十八禁复仇者联盟」。以极具临场感手法带观众冶游东京。
