全新偶像选秀节目《亚洲超星团》今个星期六晚正式推出，节目播出后 myTV SUPER 嘅 「亚洲超星团专区」将独家上架《亚洲超星团(加长版)》，播出更多绝密花絮同演出片段。
65位分别来自内地、香港、澳门、台湾、日本同韩国嘅超星练习生，仲有几日先正式同大家见面，不过 《亚洲超星团》嘅先导片段星期日已经正式于myTV SUPER上线。片段为大家介绍各位超星练习生，佢哋聚首喺初舞台嘅录影现场，65个座位由练习生自行预测网友对自己嘅「初印象人气排名」而拣选号码入座，希望令观众可从中了解练习生嘅特质同性格。
最终「初印象人气排名」头10位分别系 奥利 李权哲 谭奕天 钟骏一 陈鑫昊 尹俊岚 冼靖峰 张胜希 张镐濂 同 江信熹 。其中香港代表冼靖峰同张镐濂分别成为第7同第9 位，成绩不俗。至于其余香港代表排名，分别系第18位 文佐匡 第20位黄奕斌 第21位丁子朗 第26位方玉亨 、第34位 区珀豪 第37位黄星绰 同第44位余宗遥。
暂时排名21位嘅丁丁坦言：「依家26岁喇，喺呢个节目已经系属于年纪偏大，我要用我最大能力走到最后，希望可以成团！」至于排20位嘅黄奕斌就话：「好惊喜，喺心目中第20位都系好靠前嘅位置。」
而人气劲爆嘅奥利一出场，在场选手已经预测佢会顺利排名第1，而奥利就谦虚选择坐第7号座位，最终公布排名佢果然排名第一时，现场所有人都一同欢呼，奥利喺1号座位坐低时，仲怕丑指自己紧张到脚震，之后佢话：「压力挺大的，觉得自己还没有到能在第一这个位置的实力，感觉需要更努力，但我会更努力的去坐起这个位置！」
现年17岁嘅奥利曾参加韩国男团选秀真人骚《BOYS PLANET》，最终喺95位参赛者中排名第26位，成绩亮眼。至于第2位李权哲人气同样劲爆，除咗微博粉丝人数高达669万人，22岁嘅佢2018年曾参加《偶像练习生》，最终排名23位，及后以NEXT成员身份正式出道，队友仲包括内地女星范冰冰细佬范丞丞。而排第3位嘅谭奕天系男团ENONE成员，队友张胜希同林展烁亦有参加今次《亚洲超星团》，五官精致嘅佢更系队内嘅颜值担当。
《亚洲超星团》11月25号起 逢星期六晚 20:00 翡翠台
《亚洲超星团》无线官方网站