重头台庆剧《新闻女王》收视口碑都非常不俗，唔止受香港观众欢迎，就连内地都掀起一阵女主播旋风，呢日Man姐 佘诗曼 就同监制 钟树佳 李施嬅 高海宁 仲有 王敏奕 一齐到访北京，同一众热情观众Fans见面喇。
几位SNK News嘅女主播唔止即场再同大家示范剧中金句，佢哋亦都同现场朋友分享佢哋对剧中最难忘嘅场面，Man姐就对老板方太以手袋比喻新闻部众人听到目定口呆喇。至于同 马国明 扮演嘅George曾经系一对嘅Selena，就妙答剧集中嘅情人点解次次分手都要落雨喇。
不择手段背后有浓浓洋葱嘅 高Ling，亦都指为爸爸骄傲绝对可以不惜一切，仲话最嬲系爸爸成日认错死对头之一张家妍系自己咁话。而秉持要Stay Hungry同Stay Stupid嘅初出矛芦Venus，就认为新闻工作者要保持热情去采访每一单新闻喇。
呢日几位女主播同监制都分别获颁奖表扬，Man姐仲话要向每一位身陷职场时刻战斗中嘅打工仔分享，而日渐黑化嘅Selena就提醒大家要爱惜自己、高Ling就话大家要努力笑到最后努力做最后赢家，Venus就呼吁大家要抱持无惧之心呀。
