早喺70年代末，唔少家庭主妇除咗追剧之外，下昼仲会齐齐准备好记事簿追睇两个电视台下午教烹饪嘅节目，当时嘅 李太 李曾鹏展 同方太 方任利莎 各出奇谋，每日为各位晚晚头痕煮乜好嘅太太解困忧。
两位烹饪高手阿太直至90年代分别引退，不过节目模式到如今一直未有大改变，老行尊方太呢日就应邀现身《流行都市》，行将90嘅佢依然非常精神，呢日同场嘅旧同事 大王 安德尊 开心之外，连 姚嘉妮 同 宋芝龄 都齐齐集邮呀。
相隔多年再次现身妇女节目嘅方太，受访时话见到唔少旧同事个个都大个仔大个女，仲话要约大家食饭见面，不过身为烹饪能手嘅佢，平时就多数交由家人负责落手自己享福喇。
虽然呢日方太未出手下厨，不过都有同大家分享咗日常生活，除咗搞笑话自己最怕运动又冇特别保养之外，仲话觉得最紧要系保持心境开朗，佢又不时都会同家人外游观光，仲话圣诞会去日本度过呀。
