《新城劲爆颁奖礼 2023》于12月30号喺会展举行，今届口号系「…正在生成」，今年合共颁发68个奖，派发今年度乐坛首张成绩表，出席歌手有冯允谦、Gin Lee、炎明熹（Gigi）、泳儿、JW（王灏儿）、詹天文（Windy）及《声梦传奇》学员等。
姚焯菲（Chantel）歌曲《这个姿态》MV推出5个月已有逾226万点击，今年凭《这个姿态》夺「劲爆新媒体歌曲」，Chantel更孖好友张弛豪一齐获「劲爆跃进歌手」，Chantel连扫两奖！
Chantel拎奖时先同大家讲新年快乐，多谢公司、幕后团队、屋企人及「小菲象」，好想多谢《这个姿态》监制同填词人，一开始录音有啲担心，好多谢团队帮忙完成呢首歌；而张弛豪就多谢经理人团队，希望下年做唔同风格嘅歌，多谢爱佢嘅人同佢爱嘅人！
XiX一齐上台领「劲爆跃进组合」奖，XiX好开心第一次出席颁奖礼就拎到出道以嚟第一个奖项，佢哋多谢奖门人、公司团队，同时多谢家人支持，最后佢哋多谢一直支持佢哋嘅Eric Sir，承诺会乖同畀心机做到Eric Sir嘅要求。