「新城劲爆颁奖礼2023」周六12月30号在会展举行，钟柔美（Yumi）及组合After Class去年夺得「劲爆新人奖」，今年Yumi以个人姿态夺「劲爆人气偶像」，Yumi一上台就话要多谢好多人，包括一直喺佢身边帮佢嘅团队、当然唔少得乐小姐、家人、朋友及一直支持佢嘅「米粉（粉丝）」们，Yumi话会继续努力出多啲歌，答谢一直喺音乐路上支持嘅朋友，之后跳唱《y2k还衬我么?》。
继Chantel同张弛豪一齐获「劲爆跃进歌手」，詹天文同林智乐亦双双获得「劲爆新人」奖，冇谂过今次有奖攞嘅Felix觉得喜出望外，佢特别要多谢默默支持佢嘅粉丝、家人同公司团队，希望来年有更多好嘅作品带比家，而Windy感谢一班「天文台（粉丝）」嘅支持，仲要多谢父母、监制、排舞老师等曾经帮助佢嘅人，佢仲话好惊自己漏多谢人，之后Windy即场演绎新歌《大雕刻家》。
