任贤齐 去年开始嘅巡回演唱会走访22个城市后，除夕同元旦日选择喺广州会歌迷迎接新一年，小齐除咗献唱自己嘅经典歌之外，更特意为广东话地区拣咗《喜欢你》同《海阔天空》送俾观众，台上佢表示：「谢谢大家这一年陪我闯荡在路上，希望我每一次演唱会都可以在大家心中留下美好记忆，大家从头唱到尾大合唱的歌声都让我非常感动，请你们回去之后，也一定不要忘了我，要记著我们相聚的美好，在追求理想的路上，我会更认真，那怕我会跌倒受伤，我也会咬紧牙关，那怕我热泪盈眶，我也会顶天立地站在天地之间，我们的胸膛， 一样海阔天空 ！多谢 beyond 带比我地咁多好听又好感动嘅歌， beyond forever ！」接著全场再一起合唱《海濶天空》作结。
由于小齐喺2023整年，只系放过一个星期假同家人共渡圣诞，所以元旦嘅场次，太太同仔女都有一齐去广州捧场。小齐喺后台经过老婆时马上温馨送上一抱，大方放闪﹐歌迷都大赞佢系绝种好男人。完成广州演唱会，小齐喺庆功宴上大手笔拎出成百万俾工作人员抽奖﹐难怪再被员工封佢做「绝世好老板」，小齐笑道：「应该嘅，因为大家都对我好好嘛！我哋系一齐工作嘅，一个不能少，大家都要开开心心过新年。」
