由 郭富城 林家栋 任贤齐 主演嘅贺岁喜剧《临时劫案》年三十晚正式上映，导演 麦启光 当日就同有份演出嘅 胡定欣 梁仲恒 曾比特 符家浚 ANSONBEAN 同 王颂茵 ，分别到尖沙咀同旺角等多间戏院谢票，同观众仲有Fans见面。
虽然唔少观众上映首日已经入场支持《临时劫案》，仲有观众买足三场戏飞，实行力撑，可惜受上映场次编排局限，年初二播映场次只占三部贺岁片嘅203场；不足15%，令唔少观众都希望《临时劫案》增加场次。
《临时劫案》故事围绕三个中年男人为生活，时空交错下卷入同一单临时劫案，故事紧凑之余又带出中年男人之苦嘅黑色幽默 ，年轻演员ANSONBEAN同 曾比特 饰演嘅车房技工其实系泳池老鼠，错摸同时牵扯到同一劫案中。
Mike当日就身体力行撑拐杖现身戏院，同其他拍档齐齐谢票，出入戏院期间需以轮椅出嘅Mike因为肌肉急性发炎，要到医院打消炎针同食止痛药止痛，不过为向观众答谢，佢仍坚持忍痛连走5场。
戏中Mike同ANSONBEAN非常老友，不时会到泳池爆Locker揾食，其中一场戏仲同城城斗演技埋身肉搏，佢哋都话同城城对戏机会难得，ANSONBEAN话：「我同曾比特喺戏中系同事兼好兄弟，不过因为金钱而互相蒙骗，最终要被郭富城武力惩罚。」而阿Mike就指：「今次系第一次拍电影，可以同影帝级嘅郭富城合作，学到好多专业态度，我同佢喺车房一场对手戏，被打到爆头，原来被打都唔容易，今次系好好嘅体验。」
