大年初二播出嘅一集《中年好声音2》正式诞生12强选手，第九部曲嘅「陈慧娴金曲赛」当中， 颜米羔 同 谭辉智 嘅表现略胜一筹，两雄相争之下更同时得到相同分数，最后由原唱兼客席评判 陈慧娴 选出 谭辉智 第三次获选MVP。
事后Priscilla亦亲自解释心中三大最佳，要选出一名成为MVP甚为困难，最后就将大家一听就甚有惊喜嘅 谭辉智 ，佢一曲《归来吧》仲令 张佳添俾出满分，各位评判仲纷纷激赞。至于 谭辉智 本人就话完全估唔到有咁好嘅成绩，亦对自己表现满意呀。
至于一直表现不俗，仲被视为热门之一嘅 刘可 ，呢集就因为表现平平而被淘汰出局，令唔少人都大跌眼镜，佢亦坦承自己演出未尽如意，亦平静接受被淘汰嘅结果，佢又指识到咁多有共同目标嘅朋友系最大得著。
至于同时被淘汰嘅 王玥 更泪洒舞台，佢就指今次参赛觉得缘份非常奇妙，自己由全职妈妈变身为14强选手，觉得已经系人生一个成就咁话。
