热爱唱歌嘅 郭浩皇 呢日举行新歌发布会，更获唔少好友到场支持，Alex有感做音乐呢条路真系相当唔容易，而佢首新歌，更系经历成个疫情先终于诞生，所以佢都百般滋味在心头。
虽然行音乐呢条路Alex有时觉得好孤单，但幸好有朋友嘅支持鼓励，令佢更有信心。原本都会出席记招既Johnny Yim，因为临时有事缺席，但系Alex都好感激对方喺音乐上比咗唔少意见佢，佢仲话好期待同对方合作新歌添。
讲返呢首新歌，Alex就话歌词好有意义，佢话细个时，我哋成日会对未来有美丽憧憬，但系慢慢会发觉，我哋无论几努力，始终同自己想像嘅会有落差，所以佢话呢首歌系想话比大家知，我哋曾经想像嘅既未来，可能唔会发生，所以反而应该把握现在，活好面前嘅每一步。
