《亚洲超星团》四位香港练习生 冼靖峰 、 文佐匡 黄星绰 余宗遥 呢日作客音乐节目《J MUSIC》JAM吓歌仔。四位因为参加节目而变得感情深厚，所以呢集嘅主题系以「友谊」为主。
3月9号就系超星团嘅成团之夜，虽然丁子朗、余宗遥未能闯入18强竞争出道席位，但冼靖峰、文佐匡、张镐濂、黄奕斌相当之叻，成为18强练习生之一。呢日虽然张镐濂未能现身节目，不过佢以线上连线方式同大家分享参加节目嘅难忘事。几位讲起练团嘅日子，佢哋就话余宗遥系烂Gag王、冼靖峰最养生，经常为减肥节食，但又最易病。
黄星绰舞技一流，呢日佢都有教节目主持潘静文（Sherman）跳超星团主题曲，亦俾对方有唔错嘅评价。但系佢哋怀疑，可能Sherman系有备而来，已经睇过佢哋嘅官方版本。
