靓汤举家旅行拒认「拨出去嘅水」 马明失踪同佢去咗呢度

马国明 同 汤洛雯 去年12月于泰国成婚，之后呢对新婚夫妇就甜蜜迎接农历新年同情人节喇，马明婚前婚后都未有放大假好好休息，好似临结婚都忙住拍《飞常日志》，近日仲同 丁子朗 飞埋去马来西亚出席活动揾真银。

而新婚人妻靓汤早前就为老公下厨焗制蛋糕自制甜蜜，不过转头就掉低马明，同父母细妹出埠旅行，更加搞笑指虽然已婚，不过自己唔系「拨出去嘅水」，又称已经4年冇一家人一齐出游，所以今次非常开心，而其中一张靓相见到汤家四口打扮色Tone衬到绝，而靓汤身后又见到东京铁塔，相信今次佢哋应该系同游日本喇。