郑伊健喺澳门举行嘅演唱会全场爆满，见到歌迷热情嘅反应同应援灯海，令伊健相当兴奋，唔只走到台边同观众近距离互动，仲大派纪念品回馈歌迷。
演唱会上伊健介绍为佢制作多首歌曲嘅监制陈光荣时，就率先爆料指对方嚟紧将会举行作品展，呼吁歌迷支持。呢晚伊健唱咗唔少经典歌曲，勾起全场歌迷嘅集体回忆，而堪称大细路嘅伊健，喺演唱会尾声时仍然活力十足，唱住动漫主题曲嘅佢仲兴奋到喺台上不断奔走，台下观众都睇到热血沸腾。
而呢晚伊健嘅小师妹黄淑蔓就有份担任嘉宾，佢事后话今次演唱会系自己出新歌后第一次参与嘅演唱会，黄淑蔓大赞伊健好贴心，喺佢唔知嘅情况下，帮佢决定埋喺演唱会方part加入佢献唱新歌嘅环节。
