李琳琳接受好友薛家燕嘅访问，老友聚旧当然系话题不绝啦，琳琳姐都有分享佢息影33年再出山拍戏嘅原因，佢话新作剧种好特别、角色可遇不可求，而且题材探讨咗好多现实社会嘅问题，可以带一啲讯息畀观众，所以吸引佢再次拍返戏。虽然呢次琳琳姐回归幕前演出，但佢就话无特别引发咩戏瘾，只系咁啱遇到自己喜欢嘅剧种同角色，所以一切都随遇而安。
老公姜大卫啱啱夺得金像奖最佳男配角，不过琳琳姐就话无刻意揾老公一齐对戏，因为各自都习惯静静睇剧本，反而佢话儿子姜卓文，因为中文程度差少少，所以就有帮佢对下戏。
琳琳姐接受访问当日，咁啱挂起红雨，老公John哥都有做「柴可夫」车琳琳姐，真系廿四孝好老公呀，而嚟紧母亲节将至，琳琳姐就话自己每日都好似过节一样，所以无需要特别庆祝，不过佢相信仔女们都会有安排呀。
