吴业坤太太滨口爱子同郭柏姸呢日出席品牌代言活动，爱子最近成为广告女主角，爱子2022年嫁坤哥来港生活，而家佢识少少广东话。
被问来香港生活最大分别系咩，爱子即时话香港生活节奏好快，做任何事不停被人催促咁，天气同日本亦系好唔同。坤哥之前掉低坤嫂自己一个去日本拍MV，但系体贴嘅坤嫂都有喺出发前预先为坤哥庆祝生日，而苦练四年空手道嘅坤哥最近参赛获得冠军，虽然坤嫂不在场，但系佢话都有默默为老公打气。
而忙于拍摄新剧《麻雀乐团》嘅郭柏姸同李佳芯、姜大卫、谭俊彦等一众好戏之人合作，令佢都感到获益良多，非常感恩有呢个机会向一班前辈学习，佢仲特别鸣谢谭俊彦嘅提点令佢进步不少。
近年工作多多嘅郭柏姸吸金力十足，更燃起佢嘅置业梦，郭柏姸对未来dream house布置亦想法多多：「我希望同屋企人住，最好有一个双门雪柜放满零食，仲要有位放相机，因为我好钟意拍Vlog影相。」
