【迷晕党/深圳/福田/皇岗口岸/头晕】一名女网民在Threads发文，表示本周四（27日）在深圳福田皇岗口岸，遇到一名操内地口音、讲广东话的男子向她搭讪，问她借用无线网络，她怀疑对方是「迷晕党」。
女事主忆述先后3次遇见该男子，对方不断跟她说话，她觉得有不妥便「调头走」，未料上车后感觉轻微头晕，形容「由头晕到尾，差啲倒地」。她指幸好当时有佩戴口罩和有立刻离开，才不至于出事，「警世，戴口罩保命，我差啲晕咗喺关口，如果我唔系戴咗口罩同有啲警觉调头走，应该畀人揽咗上车。唔好理人/被搭讪/借嘢，我谂番转头真惊，唔系讲笑」。
/public/article/content/202502/459eda10-50ec-4dab-baf5-5c62c9eef485.jpg)
网民：你走甩算好彩
帖文曝光后，不少网民指事主算是幸运，「𠮶度夜晚冇咩人，你走甩算好彩」、「差少少就可以喺诈骗电话度听到你把声」、「而家戴口罩除咗防护细菌，仲要防护迷晕党」。
网民分享自身经历
另有网民分享自己的经历和见闻，「之前有人话去泰国都系咁，有个路人同佢讲嘢，之后就觉得好头晕」、「我细佬去潮州玩，入咗一个庙宇，畀迷晕党搞，自动自觉畀咗部电话人，好彩隔篱个女人提佢，事后佢话自己都唔知发生乜嘢事」、「我都试过一次，即刻要坐底休息咗半日先行到」、「呢个系真，大陆迷晕党真系喺香港揾食，记住望都唔好望，佢畀咩你睇，手掌又好，地图又好，总之所有嘢都唔好望，快啲走。识人睇咗个大陆人手掌就畀人迷晕咗，然后拎咗佢身上嘅钱同首饰，绝不夸张。佢哋专呃香港人，希望各位小心」、「系，有个大陆人问路，个地址写咗喺手掌度，望吓咩地址，总之就佢手掌上面有啲嘢，但佢又记唔起系咩，总之望望吓就晕，好似邪术咁，真系解释唔到」、「我之前喺香港茶记试过搭台畀大陆人借Wi-Fi，原来借Wi-Fi系新型骗局」。
【延伸阅读】