【迷晕党/元朗/普通话/动作/手脚无力/倒卧街头/特征】一名女网民在Threads发文，表示自己上月29日晚上约6时45分、在元朗步行回家途中手持一底鸡蛋仔，途经元朗民政事务处外面的行人路时，有一名操普通话的女士问她「附近有冇嘢食」。
事主形容该女子当时「掂住我手臂」，「我同佢讲完附近有咩嘢食之后，佢问我可唔可以带佢去餐厅帮佢埋单，当时已经觉得唔对路，而且佢戴住1条名牌颈链，我心谂咁有钱应该都唔会冇钱食饭，所以同佢讲我冇钱拒绝咗佢，跟住我就急急脚走咗」。
手脚无力险倒卧街头
事主解释当时「见佢系女人同埋都几有礼貌，以为只系热情少少」，才会回应对方。然而她称数分钟后，她开始感到手脚无力，「个人好瘟瘟沌沌咁」，幸她很快就回到家中，惟她形容「平时唔会一返屋企就瞓到人哋叫先醒到，𠮶日就系咁」。对此，她直言现在回想都觉得恐怖，遂发文提醒其他街坊和网民：
「如果当初跟咗佢去餐厅，可能我而家就唔喺屋企了。所以各位出门在外一定要小心！提高警觉！劲惊，以后真系要戴口罩+防狼器/喷雾出街，以后遇到人问路都唔知帮唔帮好了」。」
网民：物质经皮肤吸收
帖文曝光后，有网民质疑该女子是想透过皮肤接触让事主吸收迷晕药，亦有人分享自己的经历，「有晚放工元广落车行去M记途中，有一男一女行埋嚟，我已经弹开9尺」、「我㖊日都撞到个女人叫我请佢食饭，不过佢好似冇掂住我，最后我去咗隔篱7-11买咗个包同水畀佢就走咗」、「我都试过喺元朗畀个有口音嘅女人问我可唔可以请佢食饭，我仲以为问路打咗个突，然后头也不回」、「警世，唔好畀陌生人掂到你，有啲物质可以经皮肤吸收 （迷晕药）、「𠮶个时间喺𠮶边好静，所以佢先喺𠮶度落手」。
【延伸阅读】
骗案注意 | 马鞍山疑现骗钱党 内地男女档出没 专向一类人下手 疑多区揾食