【名人健康/抑郁症】现年61岁的著名游戏节目《百万富翁》主持及《我和僵尸有个约会》山本一夫的陈启泰，早前接受资深传媒人汪曼玲 YouTube 频道《快拍．曼镜头》访问，罕有坦白患上家族遗传抑郁症。疫情期间，他失眠到几乎崩溃，要食精神科药物先顶得住，更一度肥到接近200磅，仲谂过死，幸好靠太太无条件支持才渡过难关。
疫情断内地工作 人生急跌入谷底
曾主持人气游戏节目《百万富翁》的陈启泰，近十几年九成工作都在内地发展。疫情一来，几乎完全冇得返大陆开工，工作突然停摆，只能长时间困在香港屋企，形容自己「冇嘢做、人生跌入低潮」。
家族遗传＋多年失眠 抑郁症全面爆发
佢一直以为自己身体好健康，点知原来家族早就埋下「精神科炸弹」——妈妈同兄弟多年前已出现严重失眠、抑郁问题。
他坦言失眠问题已超过20年，不过以前尚算「瞓得差」，但疫情来袭、停工停社交、长期困在家中，令失眠迅速恶化，连短暂入睡都变成奢侈。
佢自觉问题同基因有关：「我读过课程，如果基因入面有抑郁倾向，无论你几健康，都有机会喺某啲时候爆发。」最终由「只系瞓得差」变成真正的严重抑郁症患者。
疫情期间惊入隔离营 宁死不睇医生
病情最严重时，陈启泰几乎完全瞓唔著，食安眠药也无效。当时正值本港每日几万宗确诊，他坦言最惊嘅唔系中招，而系「中咗被捉去隔离」。
佢话如果「中招」要入隔离中心，环境陌生、身边无熟人，加上安眠药无效，「一定癫晒」，呢份恐惧令佢一度唔敢出街睇医生，宁愿困喺屋企死顶。
除咗失眠，佢仲出现强烈身体不适：心里面寒到出晒嚟，著几多衫、24小时开暖气都无助。连轻微地震、负面新闻都足以触发恐慌，令佢幻想世界末日随时来临：「见到天气报告话冻十日，我真系谂会死。」他形容那段时间系最接近死亡。
太太停工半年 24小时守喺身边
当抑郁症最严重时，陈启泰形容自己「个人系坏咗、冇晒安全感」，一个人喺屋企会惊到癫。太太停工变成全职「照顾者」，足足陪伴咗佢七、八个月，几乎24小时留喺屋企，只系偶尔落街买𩠌。
佢甚至直言连冲凉半小时，太太不在身边都会感到极度不安，显示当时对太太依赖有几严重。
服精神科药物 体重曾暴涨至200磅
家庭医生开安眠药无效、情绪愈来愈低落，他最终去睇精神科医生，接受针对抑郁同焦虑的治疗。他表示每日要靠六、七粒精神科药物先可以勉强瞓到。
病情反复，因为严重失眠同食欲不振，他最初由170几磅跌到150几磅，及后精神科药物副作用出现，体重又由150磅暴涨至近200磅。
靠信仰、排毒调理＋狂做运动 成功大幅减药
陈启泰跟太太返教会，明白到：「顺主令我知道，呢个只系一个病，脑细胞『发炎』啫，要认真处理。」又形容抑郁症就好似其他病一样：「你个脑坏咗，就要食药去医。」
一年前左右，他靠排毒及调理方式，配合医生指示，慢慢减少精神科药物份量。到最近半年，佢已经可以只靠少量助眠药物维持每晚4至6小时睡眠，多数日子都唔需要食精神科药。
曾经谂过死 但最放唔低系太太
陈启泰承认，抑郁最严重时曾经谂过死亡：「望住出面条楼，都幻想过如果跳落去会点。」但一想到太太，觉得她年纪还轻，如果自己走咗，佢一个人要面对生活压力同情绪伤痛，才悬崖勒马。佢形容太太系「圣人」，亦系唯一真正帮到佢走出深渊嘅人。
佢亦发现身边人都「中过」抑郁，感慨社会上「好多好多」人都有情绪病，只系好多人选择收埋唔讲。他提醒怀疑自己患抑郁症，唔好匿埋，因为抑郁症可以治疗，亦有机会完全停药（不过他强调是自身经历，未必适合所有患者）。
【延伸阅读】
大肠癌｜日本乐队LUNA SEA鼓手真矢病逝 抗大肠癌6年 50岁高发 即睇大肠癌早期征状/致癌习惯
痛失仁医 | 中大医院骨科仁医黄咏仪离世 曾加入「无国界医生」赴阿富汗救援 病人不舍涌帖文悼念
长寿秘诀 | 94岁胡枫入行70年不言休 6大长寿养生秘招 不吃补品起床后必做一件事防中风
57岁「御用烂仔」游飚脑出血离世 《大时代》一人分饰三角最经典转职去甲醛 脑出血4大先兆