有食客在facebook专页发文，以「点心笼好污糟」为题，指某酒楼点心竹笼除了有少许霉渍，上面还黐了不少米饭，而边缘外侧则围了一圈不明的「黑色黏状物质」，就连内侧也沾上了少许，至于笼内点心则未见异样。
网民都高呼「好核突」、「发霉笼」，纷纷表示竹笼不卫生，「见到已经想呕，点食得落啲点心啊！」、「虽然唔系食个笼，但睇到都惊嘢食唔卫生啦」。
有人就指酒楼一般很少清洗竹笼，「唔系冇洗，系好耐冇洗」、「话说：有个friend去酒楼做暑期工，蒸笼系唔会洗的，佢就系一早返去将啲蒸笼攞去蒸消毒，一筒一筒咁蒸」。
另有网民就打趣地反讽，「黑椒嚟啫，粒虾饺唔够味咪点下啰」、「美味的秘诀已经被你发现了」、「上手荷叶饭」。