有沙田街坊在Facebook群组发文，以「斑鸠睇中我屋企窗口呢两盘花，竟然担晒D树枝嚟筑巢菢蛋」为题，引发网民积极讨论。有网民指「我都试过，仲要系生咗2只，等佢地大晒飞走埋」，更有人指「有斑鸠停留嘅地方就代表丰衣足食」、「好运嚟㗎」。
更有网民讲述早年有猫头鹰在其村屋厨房抽油烟喉破壳出生的故事。「早两年初春都有猫头鹰喺我厨房抽油烟喉入面生BB，我都由佢呀，结果4只可爱B出世，学识飞后就全家爸妈4B撒退后我要进行清洁」。虽然是早年的事，但该位网民提起猫头鹰兴致仍然相当高，贴上多帖相片，和直击2020年4月猫头鹰破壳而出的短片。
被问及如何发现猫头鹰时，该位网民称「 我装修时唔记得用网封个抽油烟机喉口，俾咗机会佢入嚟」；「我煮𩠌时开抽油烟机，听到喉入面啪啪声，连续两三日都系咁，我心谂应该有嘢飞咗入嚟，但又唔知系乜，惊惊地，我叫老公𠝹开少少条喉睇下，佢装下睇下乜嚟，点知猫头鹰妈妈望住我老公」；至于发现后，「我果个几月无开抽油烟机，咁我开大啲个窗啰，同埋蒸下𩠌，减少煎炒𩠌，都无乜大影响」。
