仲有一个月就踏入2026年，公立医院多项收费即将正式「加价」！由2026年1月1日起，急症室、普通科门诊、专科门诊、住院以至影像检查统统涨价，部分服务更加系翻倍上升。本文一文话你知最重要嘅加幅项目，包括急症室由$180加到$400、普通科$50变$150、专科$80跳到$250，仲有住院每日$300、超声波/MRI等非紧急检查都要收$250-$500！仲取消咗$75入院费，但整体开支仲系贵咗好多～即刻睇埋以下图表，一眼睇晒新旧收费对比！
公立医院2026年1月1日起新收费一览
由2026年1月1日起，医管局辖下公立医院及诊所多项服务收费调整，幅度由1倍至2倍有多，影响全港市民睇医生成本。即刻同你拆解最贴身嘅几个「震撼位」！
🔵急症室：$180 → $400（加$220）
「次紧急」同「非紧急」个案，急症室收费直接翻倍过！
下次头痛脚痛或自知是非紧急的病症，谂住去急症室真系要三思～
（危殆及紧急个案仍然免费）
🔵普通科门诊：$50 → $150（加$200）
普通科诊金直线上升3倍！
每只药再加$5，伤风感冒去政府诊所，随时使$200几！
低收入市民同长者仍然有纾缓机制，价钱仍然低于私家门诊定价，唔急、唔怕等才选择使用吧。
🔵专科门诊：$80 → $250（加$170）
长期病患最痛！覆诊费划一$250，每只药再加$20。
心脏科、糖尿病科、骨科朋友，以后一年覆诊几次已经多使几千蚊，所以切记滥用专科门诊！
🔵住院病房：$120/日 → $300/日（加$180）
虽然取消咗$75入院费，但每日病房膳食费由$120升到$300，住多几日随时多几千蚊！
以住5日计，原本$600，现在变$1500，负担即刻重咗。
🔵影像检查：超声波、CT、MRI 不再免费
非紧急嘅超声波、电脑断层、磁力共振，以后要自费$250-$500！
医生开单前，记得同佢倾清楚收费，如果无需要就不要做上述检查。
边类人可豁免公立医院医疗费？
- 综援受助人、60岁以上长者、低收入人士仍然可申请豁免或减免
- 部分慢性病患者可继续用「长者医疗券」或公私营协作计划
【延伸阅读】
长者福利｜65岁或以上免费打肺炎球菌疫苗 即睇免费接种资格 预防肺炎/败血病/脑膜炎
医疗福利｜政府资助8000元 私家眼科做白内障手术 减少病人于公立医院轮候时间 即睇申请资格
长者医疗｜11.4起政府门诊合资格长者优先预约 一文睇清预约方法/四大优先群组