家事常识｜快干衫越洗越臭？原来系错用呢2款洗衣产品专家教你正确洗快干运动衫除噏味

【家事常识/洗衣贴士/快干衫清洗】做运动，无论跑步、健身还是行山，当然少不了穿著快干运动衣。不知你有无试过运动衣洗完晾干后，依然有股挥之不去的嗡臭味，甚至越洗越臭？几百元一件运动快干衫发臭了，唔通就要掉弃咁浪费？其实问题唔系洗唔够干净，而系洗衣方法错咗！专家指出，化纤材质快干衣容易卡住汗水蛋白质同细菌，错误用柔顺剂或高温洗，更会令异味「锁死」喺纤维入面。想解决呢个香港常见烦恼？即睇专家正确洗法，仲有2款洗衣用品千祈唔好用！

快干衫越洗越臭3大原因

快干运动衣多用聚酯纤维或尼龙等化纤材质，本来吸湿排汗、抗异味，但汗水入面嘅蛋白质、油脂、皮屑同细菌分泌物，会卡喺纤维微孔同纱线间隙。
如果清洗唔彻底，呢啲异味因子越积越多，就会发酵产生酸臭或闷味。香港潮湿天气更加剧问题，衣服晾唔干或堆积，都容易滋生细菌。
高温洗或烘干会令纤维出现微小裂缝，变成臭味藏身处；多次错洗更会减弱排汗机能。

专家徐修国（台湾纺织业从业员兼运动爱好者）解释：「化纤材质本身唔易吸附臭味，但汗水蛋白质、雨水或咖啡渍等异味因子会卡住；清洗过程唔够彻底，就会累积产生异味。」

洗快干衫要避免使用柔顺剂/洗衣袋

衣物柔顺剂柔顺剂会喺纤维表面形成涂层，吸附杂质同汗水，令洗净效果变差；仲会堵塞透气孔，影响吸湿排汗功能；残留物更可能刺激皮肤，引起过敏或痕痒。对快干运动衣嚟讲，简直系「隐形杀手」！
洗衣袋：用洗衣袋虽然保护衣物，但会阻碍水流同洗剂彻底清洗，残留异味因子更容易卡住。专家建议：快干运动衣直接丢入洗衣机正常机洗，先确保洗得干净。