近50年楼龄嘅元朗安景楼，一个实用面积达429平方尺嘅顶层单位，最近成为拍卖行嘅银主盘，单位除咗室内面积，仲包括埋天台一个约395平方尺嘅空间，但叫价只系218万。
上述嘅拍卖单位来自忠诚集团于本月26号嘅项目，呢个两房单位约429平方尺，仲包括一个395平方尺嘅天台，可用空间非常多，而拍卖尺价约HK$5,082。虽然物业接近50年楼龄，但室内装修嘅状态还可以，据拍卖行发放嘅相片显示，单位天花未见有石屎剥落情况，只系厨房同浴室嘅陈旧状态比较严重，下手买手需要预留资金以作装修。
另外，由於单位两间房间窗口向南面，避开向合益路挤逼嘅环境，有开扬嘅球场公园风景，远望蝶翠峰一带嘅高楼。
延伸阅读
旅游KOL小斯1.36亿破顶价买北角豪宅海璇II特色单位 呎价逾6.45万 理财达人一原因只买新楼