《东张西望》何伯同新何太的爱情成为不少市民茶余饭后的热论话题，在现在火红的Facebook公开社团「何伯＆何伯老婆关注组」有自称是何伯伯大儿子的声明，批评何伯「对唔住」已过世的阿妈，又反驳何伯说「那些钱是自己钱」言论。
声明强调，何爸爸在遇上「𠮶个女人」之前很正常，声明用「河马」称呼新何太，说爸爸在没有与五兄弟姊妹商量下结婚，令五兄弟姊妹非常愤怒，并心知不妙。
声明指，「我呀妈同佢挨返嚟同我地仔女比家用, 我呀妈好悭, 买𩠌都会格价先买」, 所以「我地唔容许我地呀妈死悭死底（抵）返来啲钱，比只河马一铺清袋, 试问点对得住呀妈！」
声明又指出，何伯生前虽对老妻不俗， 但从来没有送过贵重礼物，「 未见过送几两重金手鈪, 劳力士手表, 手袋之类比我呀妈, 拿上手都几十万, 或者可能老夫老妻唔需要」。更加遑论是几十万的礼物，所以阿妹才攞钱，以免「比只河马得逞」。
声明发出不足一小时，已吸引数千网民赞好及给「加油」。
有网民慨叹：「我信，因为我屋企都畀人搞到家变，但起码你哋仲有五兄弟姊妹，我以前得一条友对住个大陆婆，佢连我妈咪条金练同戒指都偷埋。加油，明白你哋嘅挣扎，先保护爸爸妈妈嘅财产，大家撑你哋！」
声明全文：
大家好, 我系何伯大仔, 我父亲原本是很正常, 虽然佢平时讲嘢唔叻, 但绝不像宜家上电视咁神智不清(俗称On9)。自从识𠮶个女人之后, 姑且叫佢做河马, 河马叫我父亲介绍男人比佢结婚, 唔知咩原因, 饮完河马啲汤水之后, 我老豆自己推荐自己, 冇同我地五兄弟姐妹商量下, 自己同河马走去签纸结婚。我地五兄弟姐妹 㷫过火屎, 同时心知不妙, 因为结左婚可以以配偶身分身家。我呀妈在生前, 佢对我呀妈都算好, 但未见过送几两重金手鈪, 劳力士手表, 手袋之类比我呀妈, 拿上手都几十万, 或者可能老夫老妻唔需要。我同几兄弟姐妹点都谂唔明, 点样可以用咁短时间氹我老豆送咁贵嘅嘢, 几十万, 唔系一两万。呢刻, 我知我老豆户口𠮶几百万将会冻过水, 所以先有细妹攞钱单嘢。唔知系我呀妈保祐定报梦, 可以系只河马氹我老豆攞钱之前, 我细妹已经早著先机, 唔洗比只河马得逞。同埋我老豆电视上讲, 𠮶几百万系佢自己揾返来, 我想讲, 啲钱系我呀妈同佢挨返嚟同我地仔女比家用, 我呀妈好悭, 买𩠌都会格价先买, 所以我地唔容许我地呀妈死悭 死底返来啲钱, 比只河马一铺清袋, 试问点对得住呀妈! 司马昭之心－路人皆知, 各位香港市民都知河马系为咩而来, 我地会循法律途径, 保护父母财产, 以及已去世妈妈的尊严。谢谢