有片｜女司机停车场玩「碰碰车」连撞后车两次　被撞车主：报警先！

不少人外出泊车都会泊在停车场，但在停车场内可能会发生意外。有车主在网上发影片，在停车场内，被前面一架倒车的私家车连环撞两次，令车主非常无奈，大喊「报警先！」。

影片截图：

女司机两度卸责车主

影片发生于一个在停车场内，影片所见，车主的私家车被前面一架倒车的私家车连环撞两次。之后，揸车的女司机之后落车，辩称自己第一次撞时无留意到事主，又卸责系对方跟得太贴。

至于第二次撞，佢就承认自己有错，不过强调自己已经打咗坏车灯，「我系咪打咗坏车灯先？」受害事主则非常无奈并说，「报警先！」。

网民：我唔系车主都好无奈

影片引起不少其他车主及网民留言，有人指自己不是涉事车主也感无奈，亦有人指自己亦试过被撞，表示深感同情，「香港女司机全球最恐怖生物！」、「两次倒车都唔望镜？简直是马路杀手！」、「佢再揸车，迟早撞死人！」、「撞左讲sorry就够，仲大条道理解释无意思」、「冇为意？观察力咁弱都考到车牌，畀佢pass𠮶个太松手嗱」、「女司机心态：咪讲左sorry啰。无留意到呀吗，想点姐？」、「打左坏车灯，唔代表你可以撞落去」、「撞咗就系撞咗，倒车吾系大哂都要睇吓有冇其他车够唔够位」、「我都试过...」、「讲多无谓，一系赔钱，一系报警，解释都系多余」、「啲女人应该唔好揸车，撞到人点算？仲想话自己啱」、「打咗坏车灯就倒车唔使睇镜既咩 ? 边个师父教咖 ?!」、「有片都好啦，最好都唔唔好郁车住。就算阻到人要郁都要影晒相先好郁，唔系蚀底就系自己。」、「撞一次又系赔，翻手撞多次都系要赔，两次抵啲啰」、「大妈道理，打咗死火灯，我就系无敌星星！」、「直接报警啦，叫个女人唔使解释咁多」、「黑都讲成白，曲都拗番直，死都呦番生」。