鸿星集团女食客称被屈食霸王餐　两周后突公开向「陈小姐」道歉-东张+

近月本港饮食业掀起不少风波，屡成为新闻焦点，继海皇粥店结业事件后，鸿星集团亦爆发食客投诉风波。社交平台有女网民发文，称4月29日在旺角新世纪广场鸿星中菜午膳时，被经理及侍应诬蔑曾「食霸王餐」走数逾千元，事主报警处理。

事发两周后，鸿星集团突然在社交平台公开发声明向涉事的「陈小姐」道歉。

女食客称被屈食霸王餐

该名女士在社交平台发帖，表示与同事4月29日在旺角新世纪广场（MOKO）鸿星中菜（鸿星海鲜酒家）分店午膳时，被屈食霸王餐。当时，两位侍应「阿姐」指控事主两星期前「有张单未埋」。事主否认并强调「第一次嚟」，但仍被「酒楼阿姐」针对轮流围攻。

其后，酒楼经理告诉事主「个同事睇咗cctv话同你（事主）一模一样样」，事主感到愕然并报警处理。最终，经理向她表示一周内向事主给予答复；事主又在帖文呼吁「如果你去依间嘢食饭、又系女仔、又长头发，你就有机俾阿姐话你走数」。

事主帖文全文：

Lunch同同事去酒楼饮茶 俾阿姐屈我食霸王餐走数 赢咗99.9%香港人
警个世先 Moko 6楼
如果你去依间嘢食饭 又系女仔 又长头发
你就有机俾阿姐话你走数
因为佢靠老点 老点话你系 咁你就系
唔洗证据 因为阿姐对眼就系证据
事源系 我同我同事 一行8人去饮茶
嗌完嘢食 有个阿姐走嚟收点心纸
话我好熟面口 记得我 咁我谂住个阿姐r水吹啦
下意识仲答佢：「系啊 系啊 有无折打呀？」
之后阿姐 指住我 话我系两个礼拜前有张单未埋
咁我梗系话无 谂住佢谂错人
咁佢都好快行开咗 谂住件事完啦
食咗无耐 佢又带多咗个阿姐嚟认人
：「系喇系喇 系佢」
：「你真系有张单未卖㖞」
：「唔系话你有心走数，不过可能成班人嚟食饭事但一个唔记得咗」
我同我同事听完都r晒头
心知个阿姐似认真mode wor
都解释返 我啱先系讲笑 我之前无嚟过食
而今次我都系第一次嚟依间度食嘢
咁谂住又完咗啦件事
到到埋单嘅时候 个阿姐拎住张单问
「今次又系咪你比钱呀？」
我决定唔忍喇 直接同经理投诉
经理话 系个同事睇咗cctv 话同我一模一样样
我真心下咗出声 心谂点一样样法 我都想睇

鸿星集团社交平台公开致歉

事隔两星期，鸿星集团周一（5月12日）终在社交平台公开发致歉函，上款为「亲爱的顾客陈小姐」，就2025年4月29日之用餐体验不如理想，表示集团谨此致歉，并承诺加强团队培训及监督，以杜绝同类事件发生。

此外，警方早前回复传媒指，4月29日下午约2时，接获旺角一酒家一名食客报案，警员先致电报案人了解事件，报案人指被酒楼员工指早前有账单未付款。不过，报案人指只是第一次到该酒家，报案人其后表示和经理协商已解决事件，警员最终毋须到场，事件列求警协助案件处理。

鸿星集团致歉函全文：

致歉函

亲爱的顾客陈小姐
就2025年4月29日之用餐体验不如理想, 本集团谨此致歉, 并承诺加强团队培训及监督, 以杜绝同类事件发生。

鸿星集团
2025年5月12日

网民不卖帐在社交平台闹爆鸿星

尽管鸿星已经道歉，但不少网民似乎对今次公开致歉「不买帐」，纷纷在社交平台闹爆鸿星，「事主最终报警，警察并无到场，只系透过电话调解。」、「其实我觉得呢个post冇诚意」、「又唔讲咩事，剩系陈小姐，做骚都做好啲丫」、「去饮个茶，无啦啦比人屈上次无找数，真系九唔搭八！」、「睇嚟好大件事㖞！竟然要公开出道歉信」、「竟然冇任何处分或炒人？」、「好少见一个大集团要咁样出道歉信」、「你一口咬定但人地话要睇片又唔比㖞，走数再同咁多人嚟多次都唔合常理啦」、「涉嫌诽谤，求其道个歉就想当冇事？」、「起码 clarify 返还人地清白啦」、「食个晏，无啦啦比成间舖既人屈，指住黎闹」、「大集团，市井之徒咁待客，一句道歉就算？」、「点解唔炒涉事员工？」、「PR & Marketing 部门？危机管理处理得好差，变成关公灾难！」、「有心就叫晒当日有份嘅出嚟见样地亲自道歉」、「今时今日，仲出呢啲员工服务」、「屈人食霸王餐，公司道个歉就搞掂？」、「解雇系基本动作吧？」、「请解雇有关员工，就咁道歉有咩用？」、「行货到咁，任何投诉都可以照用呢个范本㖞。」、「至少要当时个经理，亲自向人道歉啦」、「个陈小姐喺班同事面前乜嘢面都冇晒， 咁样俾你同事屈」。