大埔有村屋在黄色暴雨下水浸，泥水涌入屋，住户在网上大呻情况「超级恐怖」。
大埔有村屋在黄色暴雨下大水浸，泥水登堂入室，住户在网上呻爆情况「超级恐怖」，直言想「原地爆炸」。
有好心网民建议搬到粉岭做街坊，指该区「之前排洪、黑雨、10号风球乜事都无」。
楼主：玩咗我7个几钟
楼主7月3日在社交平台Threads上载相片发帖，劲呻「大佬，㖊晚黄色暴雨，然后我成间屋浸到咁，ＸＸＸ想点，玩咗我7个几钟，又屎又泥，以为搞掂，点知雪柜、洗衣机、柜全部都仲系，Ｘ，想原地爆炸，但忍住了」。
楼主在回应栏补充，透露地点是大埔，在林村附近，并指最后是「我哋3个人慢慢清」。
网民感同身受和应：成屋嘢浸晒劲想喊
有回应的网民感同身受，上载自家屋企水浸的相片和应，指自己也住大埔，心情感到「崩溃」。
有人则发长文安慰，指自己两年前黑雨有相同经历，很理解楼主的心情，该网民指当晚「水唔知边到涌入嚟」，杂物被冲到各处，开不到大门，「睇住成屋嘢浸晒劲想喊」。
该网民亦教路，「如果系租屋同业主倾下有冇得免租1个月，之后满约好搬走啦，揾啲2、3楼住」，并指「木柜𠮶啲唔要得㗎啦，啲污糟水浸过好易有白蚁，劲多嘢要唔得，系咁扔，清洁记得戴手套戴口罩，地板买几支滴露清洁」。
有网民也建议「收拾时要小心，著水鞋戴手套」、「买啲临时防水闸／沙包，用住顶下先」、「有时谂紧，住紧嘅单位要准备定个潜水泵喺屋企看下门口，有乜事都好，可以泵出窗外！」。
网民向楼主表示同情
不少人非常同情楼主，表示「阴功」、「好大镬」、「惨惨惨吖」。另有人关心到「哗，如果有养细狗浸死都似⋯」、「有动物真系好惊，同埋地下啲电位」。
对于楼主提到「又屎又泥」，有人好奇提问「屎？」，有网民则回应「一定有的，化粪池」。
网民讨论选择村屋居住楼层
对于选择村屋居住楼层，有网民提到「村屋有得拣绝不住地下」、「所以为甚么3楼最贵，不过天台也会水浸，可能2楼最安全」、「大埔一落大雨就系咁，唔好租地下，租啲地高少少嘅」。
粉岭街坊「拉客」 建议楼主搬至粉岭
还有粉岭街坊「拉客」，表示「搬嚟粉岭啦，之前排洪、黑雨、10号风球乜事都无」。
相关新闻：
黑雨红雨8号风球 屋苑水浸/设施损毁？房屋署联络中心24小时服务 协助公屋居民应付突发情况