西贡一间村屋内惊现巨型大蟒蛇！一名网友在社交平台发帖文，指惊见家门外有大蛇盘踞，慌忙之中亦拍片分享。片主表示搬新屋数日已巧遇中蛇，「今次咁近见到真系好好彩」。
西贡村屋外惊见蛇踪
据片主在社交平台的帖文说，「啱啱搬去去新屋唔够几日，已经巧遇巨蟒。最近由于搬左去西贡深山，真系深山嘅深深处，屋出面得田，完全冇街灯，夜晚出入只能靠电话微弱嘅灯光，照住唔好差错脚。」
片主指，「寻晚出村口接婆，出去都冇嘢，番黎时路上面赫见巨型大蟒，条蟒蛇总长超过3米，真系非常大条」。影片所见，巨型大蟒长度不凡，身上亦见鲜艳花纹，而大蛇看似未有袭击人类的行为。
片主又形容自己好运，因能见到大蛇，「同番原居民业主讲，佢住系度几十年，都只系细个见过一次，今次咁近见到真系好好彩」。
网民：西贡真系好多「小动物」
影片被上载至网上后，吸引不少人留言，指西贡经常有「小动物」出没，亦有其他人分享见到蛇的经历，「大条其实先好，起码老远见到同埋多数无毒」、「蟒蛇系香港受法律保护动物，系香港原生动物，土生土长原居民」、「我呢边无蛇，但半夜放狗会见到萤火虫」、「以前细个返乡下见到有条蛇，我表哥话佢有剧毒，唔好搞佢，同埋条蛇会行得好快，我唔信，掉左粒碎石落条蛇到，条蛇飞奔冲过黎，吓到我，真系飞速咁快」、「唔好打死条蛇呀佢仲惊过你」、「只要冇受惊，蛇唔会主动攻击」、「香港缅甸蟒黎，无毒既」、「俾佢行先就行~佢地其实好惊人」、「有蛇帮你食晒d老鼠，正呀！」、「我妈住西贡附近...有好多树又湿...楼下看更都话有蛇....总知夏天系要小心D」、「如果真系三米，佢都应该仲系大BB嚟，同埋佢系属于二级受保护动物，所以冇乜嘢都唔好搞佢」、「想问依条蛇有无人知佢活咗几耐先至咁长？」。