不少人坐港铁都会避开优先座／关爱座，皆因担心被批斗！近日网上热传一张照片，画面中一名长者女士坐在港铁优先座位上，双手高举「乐悠咭」，疑担心被批斗。
港铁长者坐优先座全程晒乐悠咭先敢坐
据照片所见，一名女长者坐在港铁优先座位上，手拿着一张「乐悠咭」，似乎刻意展示身份。帖主感叹：「依家连长者坐优先座都要攞张乐悠咭出嚟证明自己资格，香港人搭车真系压力山大。」
网民形容：变咗「批斗座」
不少网民留言热议，有人认为该名女士主动展示乐悠咭，是以免被误会，也有网民认为优先座变成「批斗座」，指不少人也不敢坐，「迟下淘宝会唔会有乐悠卡买？」、「佢话：我交咗好耐税，而家先至有唯一的福利，仲想点呀。」、「下次M痛要show条M巾出嚟」、「你坐唔紧要，最紧要有的废老又唔坐关爱座，硬系要坐其他位，麻X烦」、「我前排做完手术，搭巴士坐关爱座，搞到我好焦虑」、「香港嘅情况已经比台湾好好多」、「我成日坐关爱座，妈咪成日问我要唔要借佢张乐悠卡挂心」、「有时候啲阿伯婆婆，人哋未落哂车，佢就一枝冲入车厢」、「所以而家我坐普通座位见到阿婆都唔会让，要让就叫坐紧关爱座既人让」、「根本就应该取消」、「取消啦，会让自然会让，浪费咗个位仲衰」、「有啲拎乐悠咭嘅，个样似未达标准」、「我屋企有个长辈个样后生，但已经过65，而且以前做粗重嘢，腰，膊，膝都好多旧患，有一次坐巴士第一行，都有人闹佢话佢唔应该坐」、「当年我有位中文老师都60几岁，但系望落似50岁，精神状态好好，比个70岁婆婆比关爱坐佢(佢要落车所以比人坐)。之后佢成程都劲紧张劲惊，系咁揾一个望落去年纪比佢大嘅人坐」、「我有次脚伤坐关爱座，都专登扯高条裤show D绷带出嚟」、「我呢排劲钟意坐关爱座，需然我仲未有资格拎乐悠卡」。
翻查资料，港铁自2009年起陆续在各条铁路线的列车车厢内设置优先座，「鼓励」乘客让座予有需要人士，包括残疾、人士、孕妇、长者、手抱婴孩及不良于行的乘客。
Threads@fifilai0822