《仔仔一堂》上周五播放最新一集，嘉宾马诗慧（Janet Ma）大方分享从抗拒到接纳女儿王曼喜是同志的过程：「我谂我系一个几传统嘅妈咪，我都系想我啲小朋友结婚生仔。初头系我自己Sense到，佢喺美国返嚟放暑假，我成日见到佢用电脑同个女仔倾偈，我就问佢，佢初头唔认。直至有一日佢话系呀，我系钟意女仔，我净系同佢讲：『我谂你睇定啲先啦，迟啲你可能钟意番男仔』。」主持王贤志(Vinci)闻言大表诧异，并追问Janet是否因事情发生在自己女儿身上才难以接受。Janet坦言：「冇错，我好多同志朋友，觉得佢哋好Nice，好Talented。」
Janet又谓全靠一个「窿」令自己想通：「有次我去做Massage，张床咪有个窿嘅，喺个窿度突然之间有人同我讲：『你要开始接受呢样嘢，因为呢样嘢会影响到你同个女嘅关系。』我之后就觉得要Let Go喇，我个女有自己嘅生活，有自己爱嘅人，有自己嘅选择。」而Janet亦视女儿的Partner如家人，感觉好Warm，全家关系变得更为密切，真挚之情令在场所有「仔仔」大为感动。
