宏福苑大火发生第九日，有大批市民、志愿团体自发送暖。危难当前，我们最需要是听到点点爱的关怀。
继巴士车长暖心「神级操作」后，今次事件，再次看到「的哥」饱满爱一面！有脆友dominicyauuu在社交平台threads，特别表扬某位的士司机的义载行为：「曾先生，从此以后我对的士佬改观。」
「今日大埔大元邨上的士，平日返去大约$50，上车一阵发现司机无禁表，点知司机自己主动讲：
🚕：「我义载架，你带一带路，我唔熟大埔」
我：「吓, 唔好啦, 你收我钱，留比有需要既人」
🚕：「唔好呀，我今日够数呀，你比我做啲嘢，等我个心好过啲」
我：「吓，唔好啦」（个心即刻谂，得！我阵间掉低钱跑走）
点知，落车想掉低钱之际，对方好大反应拒绝，叫我比机会佢做啲野，只能够讲，好啦！我会捐咗佢🙏🏻，香港人其实好有爱，每人都尽吓自己能力。」
「的哥」铁汉柔情义载送暖｜网民为的士司机护航：祝司机哥哥日日有靓旗
义载帖文po出后，有网民大赞成件事好有爱！
「一个求对方收钱，一个求对方唔好比钱🤣成件事劲cute，好人一世平安❤️ 」
「行新界嘅的士好多都好好人」、「大埔司机，搭亲都好好人」。
「的士司机咁做，自己都会好过啲，帮紧人嘅时候，同时都系帮紧自己。而妳咁做，妳都系间接帮咗的士司机。」（好有哲理之余，更好有大道理。)
「真！将爱蔓延开去。」
「咁又唔系个个的士佬都咁衰嘅，司机哥哥好人一生平安，日日有靓旗。」
「睇电视见到当晚运送物资好多都系的士。」
「香港虽然好细，但胜在仲有一班好有心同有素质的香港人。」
图片来源：dominicyauuu@threads