今时今日，手机不离身是常事吧。万一手机无电，犹如热锅上的蚂蚁，心卜卜跳、啰啰挛，唔知点算！
有网民ls250203转载另一位楼主的「手机求救讯息」，帮忙配文：「电池同底板已经烧咗，香港机场啲USB全部都系坏的电池Killer！」
我们又看一看原Po，应该是楼主timest_wanderer将其iPhone在机场充电，不过USB充电插头出现问题，并急忙在网路向各位大神求救：「有无人试过系机场充电，充唔入但电量突然自动跳去1%！然后显示unverified battery？！跟住自动关机及自动开机，我哋两个人两部电话都系咁…🥺😣！」
代入情境题，万一你临上飞机，又逼切地电话无电，继而以为自己成功充电，但竟然一秒变1%。搭飞机途中又不能充电，崩溃。
好端端机场充电手机电量一秒变剩1%｜网民分享机场充电黑历史：有插座就用自己牛
帖文一出，即时引起网民热议，网民们有咩讲呢？
「所以买条好啲嘅充电线，有晶片识控制电流𠮶啲稳阵啲 ！」
「充电后连手机都坏埋，仲可以扫二维码通知机场咩？ 」
「我净系敢用机场啲无线充电咋🤣，一系就带尿袋 ！」
「机场呢啲充系USB2.0, 充唔起现代手机架， 唔好话会坏。比你充一个钟都充唔到几%出嚟。 」
「今时今日睇见唔系type C头，都知慢到XX！」
也有网民分享其机场充电中伏黑历史：「自从几年前系机场充过一次整坏我部机，我以后都无再系机场充过！」
「咁多年来都唔知充坏几多部电话😂，仲要个个要赶飞机无仇报！」
「一定要用自牛！」、「有插座就用自己牛！」
希望楼主最终能顺利解困，愉快上飞机开展旅程吧。
图片来源：ls250203、timest_wanderer@Threads