有观众提供片段向东张西望报料投诉，并提供片段指，金钟统一中心运输署3楼每日都怀疑有「排队党」轮筹，甚至会出售这些筹号，严重影响。普通市民攞筹，观众本人的丈夫先后两次去排队都无法攞筹，所以非常愤慨。
观众向东张西望投诉，指丈夫先后两次去排队，都因为一班人插队而无法攞到当日筹号。结果第三次要清晨7时10分排队，才拿到每日派的60个即日筹。她指出：「有啲系可以上网搞，但系有啲要亲身去攞筹先搞到。 」
「3月27日7时10分，前面大概十几人排紧队，头𠮶十个全部都系相信排队党嘅人，全部系女人有啲仲系阿婆嚟。 佢哋𠮶啲七彩凳全部一色一样，好专业，地下亦都有报纸呀背囊呀喺度霸位。 」观众说。
「咁我就影相畀我老公睇畀佢知个环境，期间应该系党员嘅白色裙女人就喂我唔好影相，佢以为我影紧佢，我就话呢做公众地方，同埋我都唔系特登影佢。」她质疑对方收钱排队，「所以咁惊」。
她说，当其丈夫抵达后，「即认到白衫连身裙女人每一次都喺度，而差唔多8点45分排队党就会叫自己友去插队，所以经常令到后面排队嘅人冇筹。 而派完筹之后前面𠮶班党员就会问攞唔到筹嘅人卖筹。」
她称，当时见「排队党党员」不停问后面队尾嘅人卖筹，但未能听到卖筹价，「又听到佢哋对话，如果自已唔想亲身嚟，想叫排队党帮手排队搞手续，费用系500蚊一次」。
她愤慨：「肯定𠮶度嘅商场保安或者运输署嘅员工每日都见到呢班排队党，但当然佢哋不会理会。 白色裙嘅女人九点前就会安排唔同人去到佢嘅成员中插队！ 」她认为卖筹同插队嘅风气非常不要得。
「东张＋」已就相关情况向运输署查询，但署方暂时未回复他们是否知情或有没有方案跟进。