著名時裝設計師文麗賢舉殯 阮偉文讚好友樂觀抗癌熱心助人

著名時裝設計師兼資深形象顧問文麗賢（Judy），上月20號不敵癌魔離世，終年78歲。Judy家人為佢舉行追思彌撒，兼製作紀念冊懷緬佢嘅一生。Judy生前好友阮偉文（Andrew）、何超鳳等到嚟送別，而何超瓊亦有送上花牌悼念。

Andrew同Judy相識超過半世紀，指好友生前樂觀抗癌，雖然接受治療期間身體變得虛弱，每次出嚟見面係好開心，亦把握每分每秒去幫人，呢方面係好值得大家學習。直至今次再度入院做手術，Judy抱樂觀態度面對，仲話若果出唔到院，佢嘅身後事就要點搞，更叮囑到嚟嘅人要開開心心，直至離開一刻都係好安詳。