逆天奇案2丨劉佩玥爛賭被迫賭債肉償 向袁鎮業爆樽慌忙逃脫

劉佩玥（Moon）同袁鎮業（Kelvin）為TVB熱播劇《逆天奇案2》拍攝呢幕酒店親熱戲份，埋位前兩人不停互相溝通同對位，期間Kelvin要赤裸上身演出。

Kelvin指同阿Moon未試過拍呢類劇情，原來佢哋係識於微時，自阿Moon參選港姐時已經認識，所以今次拍呢類劇情冇咁尷尬，仲會擦出火花。

喺劇中爛賭嘅阿Moon，梗係冇諗過要賭債肉償，佢仲向Kelvin爆樽逃脫，而劇組就為呢幕戲份準備咗十二支酒樽，阿Moon滿有信心話一兩支就搞掂。兩人相識多年，今次先係初次有對手戲，佢哋都話合作得好開心。